PROF. SHEMDOE AKABIDHI MIKOBA YA UKURUGENZI HALMASHAURI YA MUFINDI.

Na Amani Mbwaga, Mufindi.

Hatimaye aliyekuwa Mkurugenzi Mtendaji wa Halmashauri ya Wilaya ya Mufindi Prof. Riziki Shemdoe, ambae kwa sasa ndiye Katibu Talawa wa Mkoa wa Ruvuma kufuatia uteuzi wa mkuu wa nchi, amekabidhi rasmi Ofisi na madaraka ya Mkurugenzi wa Halmashauri ya Mufindi kwa kaimu Mkurugenzi Ndugu. Isaya Mbenje, kwa mujibu wa sheria, kanuni na taratibu za uongozi katika taasisi za umma.

Akizungumza wakati wa hafla fupi ya makabidhiano iliyofanyika ofisini kwa Mkurugenzi mtendaji, Prof. Shemdoe, amewashukuru wakuu wa idara, vitengo na watumishi wote kwa ujumla ambao  walimsaidia kazi kwa juhudi maarifa na uaminifu jambo ambalo limesababisha aonekane na mamlaka za juu na hata kupata madaraka makubwa zaidi.

“Ninyi wakuu wa idara ndiyo mlioanifundisha kazi huku Serikali za mitaa, wakati nakuja huku nilikuwa sijui kitu, huku tofauti sana na  kule chuo kikuu nilikotoka, kule niljiua leo ninakipindi saa nne, nikitoka darasani najifungia kundika maandiko, ni kweli kwamba Mufindi ndiyo sehemu pekee ambayo kwa kiasi kikubwa nimejifunza uongozi hivyo, popote nitakapokuwa sitaisahau katika maisha yangu”

Aidha, Prof. Shemdoe, amewataka watumishi wa Halmashauri hiyo kutolinganisha uongozi wake na ule wa kaimu aliyemwanchia Ofisi wala kiongozi atakayeteuliwa rasmi kurithi nafasi yake na kusisitiza kuwa binadamu wanatofautiana na hata siku moja hawawezi kufanana kwa kila kitu kwani kila mmoja anamtazamo wake na namna yake ya kuongoza.

Kwa upande wake Mkuu wa Wilaya ya Mufindi Mhe. Jamhuri William, ambaye ndiye alikuwa mgeni wa heshima katika hafla hiyo, amempongeza  kwa uadilifu na utendaji mzuri wa kazi na akabainisha kuwa mara zote alitumia taaluma yake kama Profesa kutatua changamoto zilizokuwa zikijitokeza.

“Hakika kulikuwa hakuna changamoto ambayo ilikuwa haipati utatuzi kwa Prof, alinisaidia sana kupata shuluhisho la mambo mengi hata kwa mambo yangu binafsi, alikuwa kiunganishi sahihi kati ya ofisi ya DC na Halmashauri ni katika kipindi chake uhusiano wa Ofisi hizi mbili ulikiwa imara zaidi, ungeweza kudhani Ofisi ya DC na Mkurugenzi ni moja.”Alisema  Mkuu wa Wilaya.

WASIFU. Prof. Riziki Shmdoe alizaliwa  Wilayani Lushoto Mkoani Tanga Mwaka 1974, alipata Shahada ya tatu ya  uzamivu PHD chuo kikuu cha Ghent kilichopo barani Ulaya Nchini Ubeligiji na kubobea kwenye taaluma ya (Applied Biological Sciences). Mwaka 2001 mpaka 2003 alisoma na kuhitimu shahada ya umahili (Masters) katika chuo kuu cha kilimo cha Sokoine (SUA) Morogoro akijikita kwenye (Management of Natural Resources For Sustainable Agriculture). Mwaka 1997 -2000 alisoma na kuhitimu Shahada ya kwanza ya taaluma ya Misitu katika chuo kikuu cha kilimo cha Sokoine  (SUA) Morogoro’

Aidha, 1994 – 1996 kidato cha 5 -6 Shule ya Sekondari SAME

1990 -1993: Kidato cha nne LWANDAME Sekondari

1983 – 1989: NGWERO Shule ya Msingi .

HABARI PICHA

Aliyekuwa Mkurugenzi wa Halamashauri ya Wilaya Mufindi Prof. Riziki Shemdoe akiongea na Watumishi waliokuwa wakikshuhudia Makabidhiano ya Ofisi (Hawapo Pichani)

Mwenyekiti wa Halmashauri ya Wilaya Mufindi Mhe Festo Mgina nae akisaini nyaraka za Makabidhiano ya Ofisi ya Mkurugenzi Mufindi (Picha zote na Ofisi ya Habari Mawasiliano naUhusiano).

RC MPYA IRINGA ALLY HAPI "NTAKUFA NA MTU KABLA YA 2020"

RC MPYA IRINGA ALLY HAPI APOKELEWA MUFINDI KWA UJUMBE MZITO

RC Mpya Iringa Mhe Ally Hapi Ametoa Siku 90 Wazee Wote Kupewa Vitambulisho vya Kutibiwa Bure!

Mkuu Mpya wa Mkoa wa Iringa Mh Ally Salum Hapi akiongea na Watumishi wa Wilaya ya Mufindi wakati wa ziara yake ya kujitambulisha Mapema wiki hii (Picha na Amani Mbwaga)

Na Amani Mbwaga, Mafinga-Iringa

Mkuu Mpya wa Mkoa Iringa Mhe Ally Salum Hapi ametoa Siku 90 toka tarehe 11 Agosti 2018 Kuhakikisha wazee wote wa mkoa wa Iringa waliotambuliwa   wanapewa vitambulisho vya kutibiwa bure.

Ameyasema hayo leo wakati akiongea na watumishi wa Halmashauri ya Wilaya Mufindi na Mji Mafinga zilizoko Mkoani Iringa wakati wa ziara yake ya kwanza Wilayani Mufindi kwa ajili ya kujitambulisha.

“Na Kwenye hili nimesema wazee wasiwafuate Halmashauri kwenda kupewa hivyo vitambulisho bali Halmashauri Kupitia DMO na timu yake mtoke muwafuate wananchi kata kwa kata muwaandikishe, Muwasajili na kisha muwapelekee vitambulisho mahali walipo”.

Aidha amewataka watumishi kutofanya kazi kwa mazoea bali watimize wajibu wao kwa mujibu wa kanuni, taratibu na sheria na pia waongeze ubunifu katika kazi zao ili kuleta matokeo chanya na kusisitiza kwamba kazi yao ni moja tu kuhakikisha wanamsaidia Rais.

Awamu ya tano inazungumzia hapa kazi tu ni lazima watendaji watoke ofsini na kwenda kuwahudumia wananchi ili kutatua shida zao, kutenda haki na kuwa waadilifu.

“Pia ni lazima tuongeze juhudi za kukusanya mapato ya serikali kwa kubuni vyanzo vipya vya mapato ili Halmashauri zetu zote za Mkoa wa Iringa zisishuke asilimia 90%”alisema Mhe Hapi.

Hata hivyo mhe Hapi ametangaza kuanza kwa kampeni ya Iringa Mpya ambapo atazunguka tarafa zote ndani ya siku 18 na kufanya mikutano isiyopungua 03 kwa ajili ya kusikiiza kero za wananchi.

Akisoma taarifa ya wilaya, Mkuu wa wilaya Mufindi Mhe Jamhuri David William amesema anaishukuru serikali ya awamu ya tano inayo ongozwa na Rais Dkt John Pombe Magufuli kwa kuendelea kupeleka fedha za Maendeleo na matumizi ya kawaida katika Wilaya yake.

Mwaka 2017/2018 Wilaya ya Mufindi ilipokea fedha kutoka serikali kuu kiasi cha Tsh Bilioni 6 na Milioni 200 kwa ajili ya maendeleo na matumizi ya kawaida.

Vilevile Halmashauri zote za Wilaya Mufindi zilikuwa zikitimiza wajibu wake wa kukusanya mapato Mfano Halmashauri ya Wilaya Mufindi mwaka 2017/2018 wamekusanya mapato asilimia 90.9%, walikuwa na lengo la kukusaya Tsh Bilioni 3.8 na wamekusanya Tsh Bilioni 3.5 sawa na asilimia 90.9%

Halmashauri ya mji wa Mafinga mwaka 2017/2018 wamekusanya Tsh Bilioni 2.6 kati ya lengo la kukusanya Bilioni 2.7 sawa na asilimia 84%

“Mbali na hivyo umetuelekeza pia tuandike andiko maalumu kwa ajili ya mradi mwingine wa kimkakati wa ujenzi wa barabara ya lami kutoka Mafinga mjini hadi Mgololo kilomita 80. tunaenda kutekeleza kwani barabara hiyo inapita kwenye viwanda vingi ndani ya Wilaya yetu na itaamsha uchumi wa maeneo mengi sana katika wilaya yetu” alisema Mhe Wiliam.

Kwa upande wake Mwenyekiti wa Halmashauri ya Wilaya Mufindi Mhe Festo Mgina lisema kwenye hotuba ya mkuu wa Mkoa imesheheni mambo muhimu yote yatakayosaidia utekelezaji katika utendaji wa kila siku.

“Ninaamini tukitembea katika hotuba yako Mhe Mkuu wa Mkoa tutakuwa na Mkoa uliofanywa upya na Mufindi yetu Mpya” alisema Mh Mgina.

Akitoa Shukrani Mwenyekiti wa Halmashauri ya Mji wa Mafinga            Mhe Charles Makoga alisema “yote uliyoyasema kwetu sisi ni maagizo tunakuahidi tunakwenda kutekeleza na ninaomba watumishi sasa tukaanze vizuri kuanzia leo”.

Tarehe 28 Julai Rais wa Jamhuri ya Muungano wa Tanzania alimteua Mhe Ally Salum Hapi Kuwa Mkuu wa Mkoa Iringa na kuchukua nafasi ya Mhe Amina Juma Masenza aliyestaafu kwa mujibu wa sheria, awali Mhe Mkuu wa Mkoa Hapi alikuwa Mkuu wa Wilaya ya Kinondoni Jijini Dar es alaam.

                                     HABARI KATIKA PICHA

Mkuu wa Mkoa Iringa Mhe Ally Salum Hapi  akipokelewa na  Mwenyeji wake Mkuu wa Wilaya Mufindi Mhe Jamhuri David William alipowasili Wialayani hapo kwa ajiliZiara yake ya Kwanza ya Kujitambulisha

Mkuu wa Mkoa Iringa Mh Ally Salum Hapi akiongea na Watumishi wa Wilaya ya Mufindi (hawapo pichani) .

Baadhi ya Watumishi wa Halmashauri ya Wilaya Mufindi na Mji Mafinga wakimsikiliza kwa makini Mkuu wa Mkoa Iringa Ally Hapi (Hayupo Pichani) 

Mkuu wa Mkoa Iringa akiongea na Watumishi wa Halmashauri ya WilayaMufindi

Kaimu Chifu wa Wahehe akiongea na watumishi wa Wilaya ya Mufindi ikiwa ni Moja ya Ukaribisho wa RC Mpya Mufindi

Mwenyekiti wa Halmashauri ya Wilaya Mufindi Mhe Festo Mgina akitoa salamu za Shukrani kwa ujio wa Mkuu wa Mkoa

Mkuu wa Mkoa Iringa Mhe Ally Hapi Katikati akiwa katika Picha Ya Pamoja na Machifu wa Iringa Kulia Kwake ni Mkuu wa Wilaya Mufindi na Kushoto kwake ni Mbunge wa Viti Maalumu CCM Mkoa wa Iringa Rose Tweve na Nyuma Kushoto ni RPC -Iringa Kamanda Juma Bwire

RC-Iringa waliokaa  (katikati) akiwa katika Picha Ya Pamoja na Kamati ya Ulinzi na Usalama ya Wilaya Mufindi

Mkuu wa Mkoa Iringa Mhe Hapi akiongea na Wafanyabiashara wa Stendi ya Mji wa Mafinga alipita kuwasalimia mara baada ya kumaliza ziara yake ya Kujitambulisha Wilayani Mufindi (Picha zote na Amani Mbwaga) 

                             Picha Zote na Amani Mbwaga 

Mob:0656 632 566

Email:prof.mbwaga @gmail.com

Serikali Yakabidhi Pikipiki 27 kwa Maafisa Elimu Kata Halmashaauri ya Wilaya Mufindi.

Mkuu wa Wilaya Mufindi Mhe Jamhuri David William akizindua pikipiki zilizotolewa na Serikali kwa ajili ya Maafisa Elimu Kata, katikati ni Mwenyekiti wa Halmashauri ya Wilaya Mufindi Mhe Festo Mgina na anyefuatia ni Kaimu Mkurugenzi wa Halmashauri hiyo( Picha na Amanini Mbwaga)

Serikali kupitia Wizara ya Elimu Sayansi na Teknolojia imekabidhi Pikipiki ishirini na saba (27) aina ya Honda kwa Maofisa elimu kata kutoka kata zote ishirini na saba (27)  za Halmashauri ya Wilaya Mufindi Mkoani Iringa.

Akizungumza mara baada ya kukabidhi Pikipiki hizo Mkuu wa Wilaya Mufindi Mhe. Jamhuri David William, amesema Pikipiki hizo zimefika kwa wakati muafaka ili kurahisisha jukumu la ufuatiliaji na usimamizi wa elimu katika Halmashauri.

“Mmepata usafiri huu ambao utachangia kutatua changamoto za kufanya kazi zenu hivyo, hatutaki kuona utoro unaendelea, hatutaki kuona mimba zinandelea hasa katika shule za sekondari, sasa hatuna sababu ni lazima tuhakikishe elimu inakua bora zaidi na ufaulu wetu kitaifa kama Halmashauri unapanda” alisema Mhe William.

Aidha, Mhe. William, ametoa wito kwa Maofisa elimu kata kuhakikisha wanazitunza Pikipiki hizo na kusisitiza kwamba usafiri huo sio kwa ajili ya kufanyia biashara ya bodaboda bali zifanye kazi iliyokusudiwa.

Naye, kaimu Mkurugenzi wa Halmashauri ya Wilaya ya Mufindi Bw. Isaya Mbenje, amesema Pikipiki hizo ni mali ya Serikali hivyo zitasimamiwa kwa mujibu wa taratibu na sheria za serikali ikiwa ni pamoja na kufanyiwa matengenezo kwenye kalakana kwa mujibu wa sheria ya manunuzi ya umma.

Kwa upande wake Ofisa Elimu Msingi Bw. Kennedy Bukagile, amesema, lengo la Pikipiki hizo ni kuwawezesha Maofisa elimu kata kutembelea shule zilizopo katika kata zao ili kufuatilia maendeleo ya utendaji kazi.  

“Mfano Ofisa elimu kata mwenye shule nyingi ni kumi (10) kwa hiyo ni rahisi sana kuzifuatilia shule zake ndani ya mwezi mmoja anaweza kuzifikia shule zote” alisema Bw. Bukagile.

Akitoa shukrani mara baada ya hafla ya makabidhiano kiongozi wa Maofisa elimu kata ambaye pia ndiye Ofisa elimu wa kata ya Ifwagi ameishukuru serikali ya awamu ya tano chini Rais Dkt. John Pombe Magufuli, kwa kuwapatia nyenzo hiyo muhimu katika utendaji kazi lakini pia akawashukuru Wabunge, Madiwani pamoja na Mkurugenzi Mtendaji kwa kuishauri vizuri serikali na hata kupatiwa usafiri huo.

Kutolewa kwa usafiri huu ni mwendelezo wa Serikali unakusudia kuiboresha sekta muhimu ya elimu, kwani mapema mwaka 2016 Serikali ilianza kutoa kiasi cha Shilingi. 250,000 kama posho ya madaraka kwa Maofisa elimu kata, wakati wakuu wa shule wakipokea 200, 000 kila mwezi.

.

HABARI KATIKA PICHA

Mkuu wa Wilaya Mufindi Mhe Jamhuri David William akikabidhi pikipiki kwa mmoja wa Maafisa Elimu Kata

Mkuu wa Wilaya Mufindi Mhe Jamhuri William akiongea na Maafisa Elimu Kata wakati wa Makabidhiano ya Pikipiki

Mwenyekiti wa Halmashauri ya Wilaya Mufindi Mhe Festo Mgina  (Kushoto) nae akitoa salamu zake za shukrani kwa serikali.

Kaimu Mkurugenzi wa Halmashauri ya Wilaya Mufindi Bwana Issaya Mbeje aktoa neno kwa Maafisa Elimu Kata wakati wa Makabidhiano ya Pikipiki

Afisa Elimu Msingi (W) Bwana Kennedy C. Bukagile akiongea na Waandishi wa Habari hawapo pichani baada ya kupokea pikipiki 27 katika Halmashauri ya Wilaya Mufindi

Afisa Elimu Kata ya Ifwagi Bwana Jordan Ngogo kwa niaba yaMaafisa Elimu Kata Halmashauri ya Wilaya Mufindi akitoa Shukrani kwa  Serikali

Kaimu Kamanda Usalama Barabarani   (W) Mufindi Koplo Hassan Khatib akitoa elimu ya usalama barabarani kwa Maafisa Elimu Kata Wote Waliokabadhiwa pikipiki..

(Picha zote na Amani Mbwaga)