RC HAPI "TUMEDHAMIRIA VIJIJI VYOTE KWENYE NCHI YETU VINAPATA UMEME"

"TAKRIBANI ASILIMIA 65.5 YA WATANZANIA WOTE WAMEFIKIWA NA HUDUMA YA UMEM...

"BILIONI 24. 7 KUTEKELEZA MRADI WA REA MKOA WA IRINGA" MHANDISI OMARY

RC HAPI AWASHA UMEME MAFINGA NA KUIPONGEZA TANESCO

Na Amani Mbwaga, Mafinga.

Mkuu wa Mkoa Iringa Mhe Ally Salum Hapi leo amepata fursa ya kutembelea na Kuwasha mradi wa umeme wa REA awamu ya III Mzunguko wa Kwanza katika mtaa wa Ndolezi ulipo Halmashauri ya Mji Mafinga wilaya ya Mufindi, Mkoani Iringa 

Mradi huo ulioanza kutekelezwa tarehe 3 Julai 2017 na kampuni ya M/S Sengerema Engineering Group Ltd wenye gharama ya jumla ya Tsh Bilioni 24.7 chini ya Usimamizi wa Shirika la Umeme Tanzania TANESCO.

“Umeme ni nyenzo muhimu sana kwa wananchi wetu hasa vijijini, Serikalli ya awamu ya tano inayoongozwa na Rais Dkt John Pombe Magufuli kupitia ilani ya chama acha mapinduzi tumedhamiria kuhakikisha vijiji vyote kwenye nchi yetu vinapata umeme wa uhakika” alisema Mhe Hapi.

Aidha Mhe Hapi ameamua mwenyewe kuanza kufuatilia miradi ya REA ili kujiridhisha kama kasi ya upelekaji umeme vijijini inaridhisha na alisema “Nataka niwahakikishie kuwa hakuna kijiji hata kimoja kwenye mkoa wetu ambacho kitabaki bila kupata umeme hiyo ni ahadi ya Mhe Rais na mimi kama muu wenu wa mkoa tutaendeleakufuatilia kuhakikisha wananchi wetu wote wanapata umeme katika vijiji vyote.”

Mhe. Hapi amesisitiza kuhakikisha umeme unapokwenda vijijini ni lazima kutoa kipaumbele cha ugawaji wa umeme katika maeneo muhimu kwanza ya zahanati, visima vya maji, na shuleni.

Jumla ya wateja 2596 wanategemewa kuunganishwa na umeme kati yao 2333 ni wa njia moja na 263 ni wa njia tatu na mpaka kufikia tarehe ya leo jumla ya vijiji 18 vimeungwa umeme na Transfoma 18 zimefungwa katika maeneo mbalimbali ya mradi.

Mkuu wa Wilaya Mufindi Mhe Jamhuri William akitoa salamu za wilaya kwa mkuu wa mkoa alisema kupitia mradi wa umeme vijijini REA,  Wananchi wa Ndolezi walikua na shida sana ya umeme na walipiga kelele sana lakini aliwambia umeme utafika tu na sasa uefika.

“Kwa kupitia juhudi za Mbunge wa Mafinga mjini Mhe Cosato Chumi alipiga kelele sana bungeni lakini aliwasumbua sana TANESCO na hatimae leo umeme umewashwa rasm” alisema Mhe. William.

Kwa Upande wake Mwenyekiti wa bodi ya Shirika la umeme Tanzania TANESCO Profesa Alexander Kyaruzi ameipongeza serikali ya awamu ya tano inayoongozwa na Rais Dkt John Pombe Magufuli kwani amedhamiria kulitoa Taifa hili kwenye hali lilipo na kulipeleka kwenye uchumi wa kati ambao utaendana na Tanzania ya viwanda.

Lakini huwezi kwenda katika uchumu wa kati wakati watu wako gizani, kwa hiyo rais ametoa fedha nyingi sana kupitia REA ili kupata umeme wa uhakika vijijini.

“Iringa kwa awamu hii takribani vijiji 179 vitapata umeme na ikija awamu ya III Mzunguko wa pili kila Mtanzania atapata umeme na hili Mhe Rais amedhamiria haswaa ifikapo 2021 kila Mtanzania awe na umeme na kwa mujibu wa takwimu zilizopo kwa sasa asilimia takribani 67.5 umeme umewafikia wananchi kote nchini” alisema Profesa Kyaruzi.

Akisoma taarifa ya utekelezaji wa mradi wa umeme kwa Mkuu wa Mkoa Iringa Meneja TANESCO Wilaya ya Mufindi Mhandisi Omary Ally amesema Jumla ya wateja 616 wamelipia kuunganishiwa umeme kati yao 263 wameunganishwa na 353 bado hawajaunganishwa kutokana na ukosefu wa Mita kutoka kwa mkandarasi.

Aidha kwa mujibu wa Mkandarasi wa REA Kampuni ya M/S Sengerema Engineering Group Ltd inyotekeleza mradi huu kupitia kwa Mhandisi Bryson Chegula amemthibitishia Mkuu wa Mkoa na wananchi wa Ndolezi na Mafinga kwa ujumla kuwa zaidi ya Mita  1000 za umeme zinainga siku ya Jumapili hali itakayochochea uunganishwaji wa wateja wengi wa umeme na hatimae kuondokana na changamoto yakukosa umeme. 

“Wilaya ina jumla ya vijiji/mitaa 161 na vitongoji 562 kati ya hivyo vijiji/mitaa 95 vimeshapata umeme REA I&II na vijiji 54 vipo kwenye REA awamu ya III Mzunguko wa kwanza katika utekelezaji” alisema Mhandisi Omary.

Kukamilika kwa miradi ya umeme awamu ya kwanza, ya pili na ya tatu itachochea kwa kiasi kikubwa maendeleo ya viwanda vidogo vijijini na kuongeza wigo mkubwa kwa wananchi wa Mufindi waliofikiwa na huduma ya umeme hatimae kukua kwa uchumi na hatimae kuongeza pato la Taifa.

HABARI PICHA

Mkuu wa Mkoa Iringa Mhe Ally Hapi akikata utepe kuashiria kuwasha umeme rasmi katika Mtaa wa Ndolezi Mjini Mafinga, Kushoto kwake ni Mwenyekiti wa Bodi ya TANESCO Profesa Alexander Kyaruzi, anaefuatia ni Mkuu wa Wilaya Mufindi Mhe Jamhuri William na kulia kwa Mkuu wa mkoa ni Mwenyekiti wa Halmashauri yaMji Mafinga Mhe Charles Makoga

Mkuu wa Mkoa Iringa Mhe Ally Hapi akiongea na wananchi wa mtaa wa Ndolezi kabla ya kuwasha umeme

Mkuu wa Wilaya Mufindi Mhe Jamhuri Davidi William akitoa salamu za Wilaya

Mwenyekiti wa Halmashauri ya Mji Mafinga Mhe Charles Makoga akitoa neno la Shukrani

Mwenyekiti wa Bodi ya Shirika la Umeme Tanzania Profesa Alexander Kyaruzi akitoa salamu za TANESCO Makao Makuu

Meneja wa TANESCO Wilaya ya Mufindi Mhandisi Omary Ally akitoa taarifa ya utekelezaji wa mradi wa Umeme kwa Mkuu wa Mkoa wa Iringa Mhe Ally Saul Hapi

Wananchi wa Mtaa wa Ndolezi Mjini Mafinga Wakifurahia kuwashwa kwa umeme katika mtaa wao na kuipongeza serikal kupitia TANESCO kwa kuwafikishia huduma hiyo muhimu kwa maendeleo ya Uchumi wa Taifa

Mkuu wa Mkoa Iringa Mhe Hapi akisalimiana na Mwenyekiti wa Bodi ya Shirika la Umeme Tanzania Prof. Kyaruzi

 

Baadhi ya watumishi wa serikali ikiwemo kamati ya ulinzi na usalama wilaya ya mufindi wakifuatilia kwa karibu zoezi la uwashwaji wa umeme katika mtaa wa Ndolezi Mjini Mafinga

Mkuu waMkoa Iringa Mhe Hapi Akiongea na Wananchi wa Mtaa wa Ndolezi

Mkuu wa Mkoa Iringa  Mhe Hapi (Kulia ) akimkabidhi Kisemeo Meneja TANESCO Mufindi Mhandisi Omar Ally Kujibu hoja za wananchi mbalimbali kabla ya kuzindua uwashaji wa umeme katika mtaa wa Ndolezi.

Wananchi wa Mtaa wa Ndolezi wakimsikiiza kwa makini Meneja TANESCO Wilaya ya Mufindi Mhandisi  Omary Ally

Mmoja wa Wafanyakazi wa TANESCO akisubilia kwa hamu kuzinduliwa rasmi kwa uwashaji wa Umeme katika Mtaa wa Ndolezi

Mkuu wa Mkoa Iringa Mhe Hapi akipata ufafanuzi wa suala la Mita kutoka kwa Mkandarasi wa REA M/S Sengerema Engineering Group LTD  Mhandisi Bryson Chengula 

Mwakilishi wa Meneja TANESCO Mkoa wa Iringa (Kushoto) akitolea ufafanuzi wa baadhi ya mambo ambayo TANESCO Iringa inatarajia kuyakamilisha kabla ya 2021 ili kila Mtanzania na hususani Iringa awe na Umeme

Tayari kwa umeme Kuwashwa Rasmi Mtaa wa Ndolezi

Taa imewashwa rasmi na Mkuu wa Mkoa Iringa Mhe Hapi kuashiria uwashaji wa umeme Katika Mtaa wa Ndolezi

Mkuu wa Mkoa Iringa akiondoka eneo la tukio mara baada ya kukamilisha shughuli ya uwashaji wa umeme katika Mtaa wa Ndolezi Mafinga Mjini (Picha zote na Amani Mbwaga)

Kwa Maoni au Ushauri Wasiliana nasi;
Mob: +255 656 632 566
E-mail:prof.mbwaga@gmail.com
Twitter:@Amanimbwaga

MKUU WA WILAYA MUFINDI AHITIMISHA “MISITU SPORTS BONANZA” WAKATI HUO IHALIMBA MISITU FC IKIIBUKA BINGWA.

Na Amani Mbwaga, Mafinga.

Mabingwa wa Misitu Sports Bonanza 2018

Mkuu wa Wilaya Mufindi Mhe. Jamhuri David William leo Jumamosi  tarehe 17 Novemba 2018 akiwa mgeni wa heshima katika kuhitimisha  Bonanza la Michezo lililoandaliwa na Wakala wa Huduma za Misitu Tanzania (TFS) Shamba la Miti Sao hill amelipongeza Shamba hilo kwa kuona umuhimu wa kuanzisha mashindano hayo yanayotumika katika kuelimisha jamii juu ya utunzaji bora wa mazingira na uhfadhi bora wa misitu.

Mhe William amewataka wachezaji kuzingatia sheria 17 za mchezo huo zilizowekwa na FIFA ili wacheze kwa amani na utulivu kwani michezo ni umoja ni ajira, afya na ni furaha.

Bonanza hilo lililanza toka tarehe 27 Oktoba 2018 na kushirikisha timu 32 kutoka katikaTarafa zake kuu  nne za Mgololo, Ihalimba, Ihefu na Irundi na hatimae kufikia tamati leo ambapo Ihalimba Misitu wameweza kuibuka washindi wa mashindano haya ya Bonanza la Misitu mwaka 2018  kwa kuifunga Ihefu Misitu Bao Moja kwa nunge  na kufanikiwa kuondoka na Medali na kitita cha Shilingi Laki 6.

Aidha Ihefu Misitu imeibuka mshindi wa pili na mshindi wa tatu ni Sawala FC Baada ya Kuichabanga Villa FC mbali na hiyo kulitanguliwa pia na mechi kali ya Mafinga veterani Vs Saohill Misitu Veterani na baadae Makambako Veteran Vs Mafinga Veterani bila kusahau netball iliwakutanisha Saohill Misitu Vs Polisi Mafinga ambapo Sao Hill Misitu iliibuka bingwa wa mchezo huo.

Mwaka huu wa Fedha 2018/2019 Shamba la Miti Sao Hill limedhamiria kushirikiana na vijiji vinavyozunguka mradi wa shamba  kwenye suala zima la Michezo ambayo imehitimishwa leo katika Viwanja vya  Sao Hill Misitu (Ihefu) iliyoanza saa 1:00 Asubuhi kwa kuanza na michezo mbalimbali  ikiwemo     Riadha (Sao Hill Marathon Kilomita 7 ) Kukimbiza kuku,  kukimbia kwenye magunia, kuvuta kamba, draft, netball, volley ball, football iliyoanza na Mchezo wa timu ya Mafinga Veteran Vs Misitu veteran, Makambako Veteran Vs Mafinga veteran, mpira wa watoto baina ya timu ya Twico na Misitu.

Kwa upande wake Mwenyekiti wa Mashindano hayo na Afisa Nyuki Shamba la Miti Sao Hill Bwana Said Aboubakar amethibitisha kwamba mara baada ya fainali hiyo kuisha tayari shamba limeandaa (Tour) ziara ya kutembelea Mikoa mbalimbali na kujionea vivutio lakini pia kucheza mechi za kirafiki na timu kubwa hapa Tanzania kwa wachezaji ambao watachaguliwa kuunda timu ya Misitu Saohill kutoka katika vijiji vyote vilivyoshiriki mashindano hayo.

Lengo la Mashindano hayo ilikuwa ni kutoa elimu juu ya masuala ya majanga ya moto kichaa hasa wakati huu wa maandalizi ya mashamba lengo ambalo limetimia kwa asilimia nyingi zaidi, lengo lingine ni kuimarisha uhusiano uliopo baina ya Shamba la Miti Sao-Hill na Vijiji vinavyozunguka, shamba, kujenga afya, ajira, sanjari na kurudisha shukrani kwa jamii (Corporate Social Responsibility) inayoambatana na zawadi nono kwa washindi walioshiriki michezo mbalimbali.

Michezo hiyo ilikuwa ikiambatana na kauli mbiu ya “Utunzaji wa Rasilimali za Misitu na Nyuki ni Jukumu letu sote Katika Kukuza Uchumi wa Viwanda”

 HABARI PICHA

Sao Hill Misitu Veteran

Mafinga Veteran

Mkuu wa Wilaya Mufindi Mhe Jamhuri William Kushoto akiwa  na Meneja wwa Shamba la Miti Saohill wakifuatilia kwa makini Misitu Sports Bonanza 2018 (Picha Na Amani Mbwaga)

Mwenyekiti wa Mashindano Bwana Said Aboubakar akitoa maelezo ya mashindano hayo kwa mgeni wa heshima hayupo pichani Mkuu wa Wilaya Mufindi Mhe Jamhuri William

Mkuu wa Wilaya Mufindi Mhe Jamhuri William akisalimiana na wachezaji wa Sao Hill Misitu Veteran

Mkuu wa Wilaya Mufindi akisalimiana na mmoja wa waamuzi wa mashindano ya Misitu Sports Bonanza Bwana Lupakisyo Mwakibinga

Mkuu wa Wilaya Mufindi Akisalimiana na Kamishina wa Mashindano na Refarii Mkongwe Bwana Turka

Mkuu wa Wilaya akisalimiana na Wachezaji wa Mafinga Veteran na hapo anasalimiana na Mchezaji Peter Kibona

Mkuu wa Wilaya Mufindi Mhe Jamhuri William akipiga Penati ya Ufunguzi wa  Fainali za Misitu Sports Bonanza wakati huo golikipa ni Meneja wa Shamba la Miti Sao Hill Bwana Herberth Haule.

Meneja wa Shamba la Miti Sao Hill  Bwana Haule nae akipiga penati wakati huo golikipa ni meneja wa benki ya CRDB

Kufukuza Kuku

Mshindi wa kukamata kuku

Washindi waliokamata kuku

Mkuu wa Wilaya Mufindi  Mhe Jamhuri William akiongea na wachezaji na wananchi kuhusu umuhumu wa shamba la miti Sao Hill katika fainali za Misitu Sports Bonanza

Mkuu wa Wilaya akisalimiana na Makambako Veterani

Kikosi cha Makambako Veteran

Kikosi cha Mafinga Veteran

Mashindano ya Draft 

Kikosi kazi cha Kuzima Moto cha Shamba la Miti Sao Hill  kikifanya onesho lake mbele ya mgeni wa heshima Mkuu wa Wilaya Mufindi Mhe Jamhuri William

Mechi Kikosi cha Watoto Twico Fc

Mechi Kikosi cha Watoto Misitu Sao Hill FC

Villa FC

Sawala FC

Ihalimba Misitu FC Mabingwa wa  Bonanza 2018

Ihefu  Misitu FC Washindi wa Pili Mwaka 2018

Sao Hill Misitu Netball

Polisi Mafinga NetBall

Picha ya Pamoja na washindi  wa michezo mbalimbali ya Misitu Bonanza Mwaka 2018 (Picha zote na Amani Mbwaga)